Suspiri i l'unda


	Undati i mari morunu rirendu, janchi di schiuma scogghi vannu mbrazzandu, ‘nto ventu nu gabbianu rumpi l’ali ch’è stancu mi si cerca li ripari. cari na saitta e sfoga la sò raggia intra nu mari niru chi non cangia, cavarca l’unda jiata na barcuzza du mani caddhusi tirinu na rizza.
		quantu travagghiu, du opi e quattro alici, dispettusu sciùscia lu ventu di libici e minandu porta ‘nterra li pinseri di tanti sciagurati piscaturi. ‘nta casa ra marina li figgghiòli dormunu e nenti ponnu sapiri, s’inginocchia prega e trema sò mugghieri Maronna i Portu Salvu… facitulu turnari.