Na sira i ‘mbernu quando si trantulìa ca nivi fora e u focu ‘ntò braceri èrimu aniti ‘ntò scantunatu ‘ndi mìa cù tantu friddu ‘ndi cungelava i pèri   Cesiri u Rindinuni vardandu ‘nte spisiddhi ‘nci vinni mi pensa a nostra terra che luntana jeu non mi fici troppu maravigghi… …e ‘nci ccùrdai …parra rà funtana…
	…’ntà piazza cà funtana si jucava èrimu un rigghiòcculu i vurpùni genti chi oggi esti assai rucàta tandu ambèci èrimu tanti bastasuni   ‘ncera u ‘ncazzusu,u longu, u purpettuni e mancu nu sordu mi si poti risciatari ogni tantu nà murriana o un buffettuni ma subbitu a paci e turnavimu a gghiucari   parrandu…, parrandu… u focu caddhiava u vinu ddhu castagni e a cumpagnia mentri fora u ventu trantuliàva a parola cuminciau mi mi nesci puru a mia   e… cuminciai mi parru i Riggiu che luntana… …cusapi si stasira supra o strittu ‘nce nà bella sirata i chiaranzàna o si a genti torna a casa pu gran friddu   si i nostri vecchi stannu pinsandu a stessa cosa …i quandu nui èrimu tanti figghiòleddhi quandu non ti cugghivi prestu a casa …e trasendu sintivi i sò patrinostreddhi   jeu chi pi natura sugnu un chiàcchiaruni non mi ccurgìa chi stava straparrandu quandu vitti chi all’intrasattu u Rindinuni rà seggiuliddha si iva isandu   dimmi ‘nci rissi chi hai chi vardi fora pinsandu chi circava mi viri cacchi stiddha …aiva nà lacrima e spostando a muscalora Rissi… mèppi a trasiri ‘nta l’occhi nà spisiddha.     Dedicata all’Amico Cesare Augusto RINDONE, emigrato come me al nord, in ricordo di quei calci dati a un pallone, tanti anni fa… le sere d’estate a piazza De Nava.

© I Cumpari Ra Putia - Varese