‘ndi na casa popolari ru quarteri Gebbiuni si ‘ncuntraru na matina pumaroru e maccarruni doppu chi si presentaru e fu fatta canuscenza cuminciaru nu discursu chinu di benevulenza
	donna sarsa a Paulana ch’era i ’ntica tradizioni cuminciau mi parra iddha, senza tanta ducazioni e a tutti ’nci cuntava … ca sò sorti fu signata… lu sapiva signurina… chi finiva ‘nta pignata comu un coru rintra a cresia rispundiru i maccarruni nui criscimmu ‘ndi nu campu ‘nta provincia di Cutruni pi cumpagni la gramigna, juncu finu e lu jiurmanu ‘nto mulinu i Costantinu, destinati a pani i ranu
	iapri a porta la zia Sesa versu l’ottu rà matina e mi si risbriga viatu cumiciau mi si rrimina tagghia, conza e poi pulizza, iampra a pasta supra a spasa … chi duminica matina … ‘nto palazzu i l’ina casa tri cumpagni ‘nta terrina scorcia, musculu e costina, mentri bugghi e quagghia u zucu tutti fannu un gran salutu ddhi du pezzi i rassu e mariu e un corniolu i pipareddhu cu na fogghia i lauru friscu fannu vutu a San Franciscu u satizzu ‘nta pareddha ca scorcitta e a costiceddha e a cipuddha di Trupìa chi suffrii e si mungìa versu i reci ra matina, pari quasi tuttu prontu cu na broccia u ziu Angiulinu si pripara o grandi incontru, cu nu culu i pani friscu, supra o scossu na surbietta, ammucciuni ra zia Sesa vai e si ‘mbucca na purpetta versu l’una è tuttu fattu … prestu mentili ‘nto piattu … cu a ‘mbentau sta gran pietanza fici vutu pi la panza! …ma alla fini i stu ribbeddhu la morali nesci fora si spittati nu mumentu … vi la spiegu in pocu tempu … chi mi dura un matrimoniu comu a chiddhu rù Gebbiuni ‘nce bisognu i robba bona e di tantu … tantu… amuri e non avi mai a mancari nu bicchieri i vinu bonu mi esti assai felice a sposa … e cuntentu puru l’Omu

© I Cumpari Ra Putia - Varese