Turnai ‘nto paisi ri me nonni,

‘ndi sta terra antica e sfurtunata,

undi a musica e  a poesia sunnu di casa

chi pari criatu ri mani di na fata.

 

All’intrasattu supra un barcuneddhu,

ammenzu a dhu pampini i racina,

vitti nu quatru di Maronna Greca,

pariva chi s’era ffacciata na Regina.

Cantava na canzuna a zingareddha

n’anticu cantu chi rriva di luntanu,

cchiù cantava e cchiù pariva beddha,

pariva ca ddhu mumentu mundu si criava.

 

Aiva ll’occhi niri i calamita

e na billizza i fimmina ‘ngarbata,

li scianchi jiati di na ciaramita

e la frischizza di rosa profumata.

Nu sbuffu i ventu ‘nci jisau i capiddhi

e iddha si ttaccau cu na furcina,

chiddh’occhi chi parivinu du stiddhi

vardavinu luntanu a la marina.

 

Quandu si vutau e vitti a mmia,

‘mbasciandu l’occhi stutau la luminaria,

fu un lampu ..., e ddhu mumentu di gulìa,

fu comu un volu i turtura ‘nta ll’aria.