Chiovi
l’arsura perdi, ‘ncumincia nà jiurnata,
chiovi supra ‘e ciaramiti di campagna,
chiovi ‘nte timpi e ‘nte sdirrupi rà muntagna.
L’acqua si giungi all’acqua supra o mari
si bagninu i linzola ‘nte barcuni,
cu avi travagghi llavi abbandunari
a mamma porta o riparu i criaturi.
rinfrisca l’aria i stu maggiu levantinu,
i spinzi fannu l’amuri supra e parmi
verniandu pi cù è u cchiù malandrinu.
Nu vecchiu sittatu ‘ntà putìa
smiccia fora cu l’occhi sognaturi …
mentri rà bucaletta u vinu sgucciulìa,
pensa: puru l’acqua e rialu rù Signuri!
Cassano Magnago 15, Maggio 2009
