A Cipuddha Russa



	E’ un piaceri pi li mussa la cipuddha chesti russa nù rimediu pi li mali chi ‘nto mundu non ha uguali la mangiava San Franciscu comu piattu di rinfriscu puru u Cardinali Ruffu si saziava assai lu mussu
	sti cipuddhi chi su russi puru curinu la tussi rà muntagna a la marina tu si a sula mericina n‘ta ‘nsalata i pumaroru??? cu ti trova avi un trisoru!!! intra a suppa cu lu purpu??? …pozzu ijri mi mi curcu!!!
		‘nto biscottu “a capunata” …ma chi grandi sirinata, cu l’alivi e u pipareddhu o suffritta cu l’aceddhu, intra a l’ova o cu brodettu, tu si sempri i grandi effettu stà cipuddha di Ricadi è di grandi qualitati chiddha russa i San Giuvanni(*) cura tutti li malanni… ti chiamaru di Trupìa… lodi a cu ‘mbentau a tìa…
	dalla Sila all’Asprumunti tu non temi li cunfrunti i Cutruni a Caulonia tu si nobili Patrona carni, pisci o cacciagiuni cu satizzi o pipiruni sempri fai la signurina rà Calabria si a Regina, di stà terra porti vantu mi ti mangiu non mi stancu chi sollievu pi la panza ràndi e nobili pietanza
		puru tu però hai un difettu ti lu dicu con affettu centu facci hai tu cipuddha… comu a certi facci i ‘nzuddha …chi ‘nto tempu i l’elezioni perdinu ogni cognizioni …cu prometti e non manteni …e stà terra non rinveni… Ma ora amici mei cari na proposta vaiju a fari ‘nto stendardu Regionali Mmenzu a cruci e culunnati… …Stà cipuddha ‘ncià zziccati?????
	note: **()Campora San Giovanni*** 10.08.2008