I figghi… i Figghi ... quandu ti mariti

non viri l’ura mi ‘ndi fai nà pàra,

non c’è famigghia chi non pensa a iddhi

non viri l’ura mi crisci ‘nta bambara.

 

Poi rrivinu e rrivotunu na praja,

non dormi a notti mi pasci e mi passii,

mi lavi, mi sciughi e mi ‘nci jiochi,

ti pigghi i so risati e i soi pinii.

Poi criscinu e ddiventunu cchiù randi,

‘ncumincia u turmentu, u tempu i scola,

ri primi malatii, rà schina i fòra,

rà frevi jiàta e forti li sudura.

 

I Figghi… i Figghi ..., chi grandi cumprimentu,

pari cu Signuri i mandau mi ‘ndi cunsola

ambeci criscendu sunnu nu turmentu

e certi voti ti veni a voglia mi cacci fora.

Poi riva l’amuri, diventunu cchiù randi,

crisci lu pettu a fimmina e a barba e masculeddhi,

t’accorgi chi l’anni si ‘ndi stannu ijendu

ma ne cuntrari mai …su’ figghioleddhi.

 

I Figghi… i Figghi ..., chi gran soddisfazioni,

quantu peni ‘ndi pigghiamu pi iddhi,

criscinu cchiù ghiàti i nu sambucu

e hannu a testa chiù dura di nu mulu.